பொருளாதார நெருக்கடிக்கு முகங்கொடுத்து தொழிலாளர்களுக்கு கட்டாய ஓய்வு அளிக்கப்பட்டதை எதிர்த்து பணிநீக்கம் செய்யப்பட்ட தொழிற்சங்கத் தலைவர் ஒருவரை மீண்டும் பணியில் அமர்த்த முடியாது என பிரபல பல்தேசிய நிறுவனம் ஒன்று தொழில் ஆணையரிடம் தெரிவித்துள்ளது.
ஒரு நூற்றாண்டுக்கும் மேலாக இலங்கைக்கு உரங்கள் மற்றும் பிற விவசாய இரசாயனங்களை இறக்குமதி செய்து வரும் பவர் நிறுவனம், அரசாங்கம் எந்த சலுகைகளையும் வழங்காததை எதிர்த்த நிறுவனத்தின் ஊழியர்களை கட்டாய ஓய்வில் அனுப்பும் திட்டத்திற்கு எதிர்ப்பு வெளியிட்ட இலங்கையின் முக்கிய தொழிற்சங்கத் தலைவரான பாலா தம்போ தனது பணிக்காலம் முழுவதும் தலைமை தாங்கிய இலங்கை வர்த்தக மற்றும் கைத்தொழில் சம்மேளனத்தின் (CMU) தற்போதைய தலைவரை பதவியில் இருந்து நீக்கியமைக்கு எதிராக தொழிற்சங்கங்கள் எதிர்ப்பு தெரிவிக்கின்றன.
28 வருடங்களாக பணியாற்றிய தான் தன்னிச்சையாக பணிநீக்கம் செய்யப்பட்டமை குறித்து தொழிற்சங்கத் தலைவர் அபேவிக்ரம, தொழிற் திணைக்களத்தில் செய்த முறைப்பாட்டிற்கு அமைய நேற்றைய தினம் விசாரணை மேற்கொள்ளப்பட்டது.
இலங்கை வர்த்தக, கைத்தொழில் மற்றும் பொதுத் தொழிலாளர் சங்கத்தின் பிரதிநிதிகள், பணிநீக்கம் செய்யப்பட்ட தமது தொழிற்சங்கவாதியை மீள வேலைக்கு அமர்த்துமாறு கோரிக்கை விடுத்த போதிலும், பவர் நிறுவன அதிகாரிகள் வேலையில் அமர்த்த மறுப்பு தெரிவித்துள்ளதோடு, இழப்பீடு வழங்க ஒப்புக்கொண்டுள்ளனர்.
தொழில் ஆணையாளர் அலுவலகம், இரு தரப்பினருக்கும் எழுத்துப்பூர்வமாக சமர்ப்பிப்பதற்கு இரண்டு வார கால அவகாசம் வழங்கியுள்ளதாகவும், ஜனவரி 19 ஆம் திகதிக்கு முன்னர் அதனை சமர்ப்பிக்கவுள்ளதாகவும், இலங்கை வர்த்தக மற்றும் கைத்தொழில் சம்மேளனத்தின் தலைவர் மங்கள அபேவிக்ரம தெரிவித்துள்ளார்.
கொரோனா தொற்றால் பாதிக்கப்பட்ட நோயாளிகளின் உயிர் வாழ்வதற்கு முக்கியமானாகக் கருதப்படும் இலட்ச ரூபாய் பெறுமதியான Tocilizumab தடுப்பூசியை சுவிட்சர்லாந்தை தளமாகக் கொண்ட நிறுவனமான பவர் இலங்கைக்கு இறக்குமதி செய்கிறது.
“அனைத்து ஊழியர்களையும் வரவழைத்து, உரப் பிரச்சினையில் அரசாங்கம் எங்களுக்கு எந்த நிவாரணமும் வழங்கவில்லை என நிறுவனம் கூறியது. அதனால் பணியாளர்களின் எண்ணிக்கையை குறைக்க வேண்டுமெனவும், நட்டஈட்டைத் தருவதாகவும் அதனைப் பெற்றுக்கொண்டு தாமாக பணியில் இருந்து விலகுமாறும் அறிவுறுத்தப்பட்டது. இது குறித்து தொழிற்சங்கத்துடன் பேச வேண்டுமெனக் கூறினேன். எனினும் என்னை பணி நீக்கி கடிதம் வழங்கினார்கள்.” என மங்கள அபேவிக்ரம தெரிவித்துள்ளார்.
60 ஆண்டுகளுக்கும் மேலாக, பவர் நிறுவன தொழிலாளர்கள் இலங்கை வர்த்தக மற்றும் கைத்தொழில் சம்மேளனத்தின் தொழிற்சங்கத்தடன் இணைந்து அவர்களின் தொழிற்சங்க உரிமைகளை வென்றெடுத்துள்ளனர்.
“அண்மையில் 60 ஆண்டுகளாக எங்களுடனான கூட்டு ஒப்பந்தத்தில் இருந்து ஒரு தலைப்பட்சமாக விலகிக் கொண்ட பவர் நிர்வாகம், தொழிலாளர்களின் ஊதிய உயர்வுக்கு அழைப்பு விடுத்தபோது அவ்வாறு செய்யாத நிலையில், கடந்த காலத்தில் தொழிற்சங்க எதிர்ப்பு வேலைத்திட்டம் முன்னெடுக்கப்பட்டது. இது ஒரு முதல் படியாகும்.” என இலங்கை வர்த்தக மற்றும் கைத்தொழில் சம்மேளனத்தின் துணை செயலாளர் செல்லையா பழனிநாதன் கூறியுள்ளார்.
தனது தொழிற்சங்க சக ஊழியரை பணிநீக்கம் செய்தமை நியாயமற்ற தொழிலாளர் கொள்கை மீறல் என்பதால் பவர் நிறுவனத்திற்கு எதிராக சட்ட நடவடிக்கை எடுக்கப்படும் எனக் குறிப்பிட்டுள்ளார்.
